AF268: 55r

piyāde ve süvār ve bunlardan mā‑ʿadā bī‑ʿadd ü bī‑şümār reʿāyā ve sāyir levendān‑i şeqāvet‑şiʿār ve müstaqill ʿumūmen Macār‑i füccār ʿaskerine // qıral olan Erdel‑i erẕel qıralı ol daḫı yüz biñ nefer ehl‑i pūş süvār ve piyādesiyle gelüb nehr‑i Tīsa üzerinde olan // olan Ṭoqāy nām ḥarbī qalʿenüñ qūrbına [!] maʿīyetle gelüb bir birine mülāqāt ėdüb ve ṭābūrların qurub biẕẕāt seʿādetlü // ve şevketlü ṣāḥib‑qırān pādişāh‑i kişver‑sitān ile muqābele ve muqātele ėtmege cümlesi ʿahd ü peymān u āyīnlerince İncīle yemīn // eylediler dėyü ḫaber vėrdükde maḥall‑i [?] ḥāl u āzmāyiş‑i qīl ü qāl içün düstūr‑i şecāʿet‑şiʿār vezīr‑i ṣāḥib‑i tebdīr ü ʿālī‑miqdār // Caʿfer Paşa [...] llāhu taʿālā ilā mā [...] ḥażretleri ṭābūr‑i mezbūr üzerine varmaġa serdār fermān olınub ve ʿumūmen dergāh‑i ʿālī // sipāhī oġlanları ve segbān başı ile üç biñ yeñiçeri ve Rūm ėli begler begisi Velī Paşa ve Ḥaleb begler begisi Maḥmūd Paşa ve Revāndan maʿzūl ʿAlī Paşa ve dergāh‑i ʿālī müteferriqaları bile meʾmūr olub māh‑i mezbūruñ yigirmi yedinci güni ordu‑yi hümāyūndan // ayrılub Qiristoş dėmekle maʿrūf nām ṣaḥrānuñ beri yanında cārī olan vādīnüñ üzerinde bir kilīsālu köy qūrbında [!] // qonılub ḥikmet‑i bārī ol gėce bir şedīd ṣovuq rūzgār esüb bir vech‑ile şiddet‑i sermā oldı‑ki ṣu alınmaġa imkān olmayub // ve ʿasker ṣalt ve ḥaymesüz [!] olmaġla ol gėce sipāhuñ ve yeñiçerilerüñ eks̱eri ordu‑yi hümāyūna ʿavdet ėdüb ėrtesi serdār‑i // ṣāḥib‑i vaqār bāqī qalan ʿasker ile mütevekkilen ʿale llāh [?] ṭābūr ṭarafına teveccüh ėdüb ẕikr olınan Qiristoş ṣaḥrāsın ve bir vādī // daḫı geçüb qarşuya qarşu iki ʿaẓīm kilīsālu köy qurbında Şāyā ṣaḥrāsı dėmekle maʿrūf nām ṣaḥrāya qonılub ol gün daḫı muḥkem rūzgār esüb // ve ziyāde ṣovuq olub ne ḥāl ise ol gün ol gėce maḥall‑i mezbūrede ārām olınub ėrtesi rūz‑i rūşen olduqda reʾy ü tedārüke // mübāşeret üzre iken düşmen belürdi ḥāżır baş oluñ dėyü ḫaber olub her kes pāya ve yaraġa ve ata süvār olmaġa iqdām ėdüb henūz // ʿasker birikmedin serḥadd ġāzīleri ve Tātār mīrzāları ablaq [?] ṣorġuclu ehl‑i pūş yarar diller [?] getürüb aʿdādan ḫaber suʾāl olunduqda // üşte ṭābūr küllīyetle qalqub bu gün gelüb bu menzile qonarlar dėyü cevāb vėrüb yā bizüm ile dögüşürler‑mi suʾāl olunduqda melʿūn [?] mevcūd // olan ʿaskeri aṣlā gözine [...] durmayub [?] siz kim‑siz bilmezem ammā anlar büyük Türk ile dögüşmekle gelürler dėyü ḫılṭ‑i kelām eyledükden ṣoñra // diller [?] der‑saʿadete gönderilüb ve min baʿd illerüye gitmege münāsib görülmeyeüb gėrü vādīnüñ berü yaqasına geçüb muntaẓır‑i aʿdā olmaq // olı görilüb geçid başlarına żarbuzanlar qonılub ṣaġ qolda Rūm ėli begler begisi ve ṣol qolda Şām ʿaskeri ve Ḥaleb begler begisi // ve ortada serdār ḥażretleri durub ve öte yaqada bir qaç yüz yarar çarqacı qonılub ve atına [?] ve gendüsine iʿtimād ėden ġuzāt‑i [?] // kār‑güẕārdan yetmiş seksen nefer‑i ceng‑āzmā dilāverān‑i dīn‑i mübīn aʿdāya qarşu bisāṭ [?] zemīn teverrüd [?] ėdüb vaqt‑i żuḥāda // küffār‑i ḥāksāra [!] ulaşub zemān‑i ʿaṣra degin gāh ıraqdan ve gāh yaqından kimi tīr ile ceng ve kimi tüfeng ile elleşmege [?] // āheng ėdüb bu üslūb ile vaqt‑i ʿaṣrda aʿdānuñ on sekiz qat gürūh‑i mekrūhı altı [?] alay atlu ve on iki alay // piyādesi cümlesi ehl‑i pūş u āteş‑bār gelüb maḥall‑i mezbūra ėrişüb ve ʿasker‑i islām ile cenge ulaşub gün zevāle varınca // ve düşmenüñ çoqluġına baqılmayub çarqa ṭarīqiyle gāh ʿasker‑i islām küffārı ve gāh küffār ʿasker‑i islāmı türkürüb mā‑beynde bataq olmaġla